Eu
Es
ZIZTERBERG BEKAK
ZIZT! Kolektiboa - EZTENA JAIALDIAK, Zizterberg beka programa deialdia egiten du, pieza eszeniko garaikide berrien sorkuntza eta erakustaldia bultzatzeko.
Helburua, edozein artista, banako edo kolektiboei animatzea da beraien sorkuntza -ideiak martxan jarri ditzaten, arte bizien edozein alorretan, eta martxan dauden proiektuei, beren garapenerako euskarri izatea.
Baduzu ideia bat buruan baina ez duzu martxan jartzen? Pieza bar sortzen ari zarete eta laguntzatxo bat ongi letorkizueke? Hemen da Mrs. Zizterberg zuei bultzadatxoa emateko!
BEKEN BALDINTZAK
- 6 proiektu hautatuko dira.
- Beketatik bi herriko proiektuentzat gordeko dira.
- Diru laguntza 600€ gordinekoa izango da.
- Egun bateko mikro-erresidentzia bat egiteko aukera, Errenteriako Lekuona Fabrikan, 2022ko ekainaren 5etik 9ra.
- Prozesuan dagoen lanaren erakustaldia Eztena Jaialdian, 2022ko ekainaren 11ean.
- Piezaren gehienezko iraupena: 20 minutu.
- Bidaia gastuak, loa eta jatorduak egoiliarren esku izango dira.
ESKAKIZUNAK
Hurrengo dokumentazioa bidali beharko da eztena@eztena.eus helbidera:
- Proiektuaren aurkezpena (Martxan jarri nahi den ideia, motibazioa, gerorako garapenerako ikuspegia, aurreikusten diren behar teknikoak)
- Iada prozesuan dauden sorkuntzei dagokienez, horri buruzko edozein material (Argazkiak, bideoa, aurkitzen den fasea...)
- Artista, kolektibo edo konpainiaren ibilbidea.
EPEAK
- Eskakizunak aurkezteko: Maiatzaren 15era arte
- Hautatutako proiektuen iragarpena: maiatzak 20